ثقافة الشعر والأدب الشعرالشعبي الأهوازي

یگلی اتعت‌ علیمن متعیته
شحم عینی یوفگی متعیته
خذیته البیت الله متعیته
ولگیته ایگول عمره وگص علیه
(کلمات الشاعرحبیب ابواحمد العبیداوی)
.....................................................
من زغری وتبدل ظیم یومایی
اجه ایمر لا جلس وستلذ یومایی
ناصب خیمه. وآنه ابظیمه. عیه وقیمه. وصطه الهیمه.
وشوف الفگر من ابعید یومایی
یعظلی ابهام ویی اشر علیه
(کلمات الشاعرحبیب ابواحمد العبیداوی)
..........‌‌...........................................
من زغری وعلیه الظیم غارات
رگه امگحلبه ولخیل غارات
اجت غربه یوسفه الارض غارات
وآنه اهلی تفگهم بس علیه
(کلمات الشاعرحبیب ابواحمد العبیداوی)
.....................................................

اقصدک یلترید اتشیخ یمنه
عسمه وعلی مامحسوب یمنه
ابکلامی وما اَتعب اعلیک یمنه
ابفرد مفرد اصقطک للوطیه
کلمات الشاعرحبیب ابواحمدالعبیداوي
.............‌........................................

اشکثر ایام فاتن علی وجرن
ومثل نار ابکوایر حطب وجرن
الیه اسباب ماتنجاب یم احباب موبلباب ناس اجناب تسمعنی
ویوکتی اشلون اعدی بعد وجرن
واظل امشی هظیمه الروح بیه
(کلمات الشاعرحبیب ابواحمدالعبیداوی)
.....................................................
الدنیه لو جفت ویبشر تولی
ومثل جنح الحمامم ابهلس تولی
الوحید ابدون اخوته الزلم تولی
خسر کلمن تبعهه وعاف اخیه
(کلمات الشاعرحبیب ابواحمدالعبیداوی)
.............................................‌........

طگ الگلب صاراثنعش وصله
عله ذاک الگطع فدنوب وصله
یلاهی ابقی العمرصایم وصله
لحد مایرجع اولیفی الیه
(کلمات الشاعرحبیب ابواحمدالعبیداوی)
.....................................................

مالت بعد وتمیل واعدلهه وتمیل

عوژه وتضل للدوم استرهه وتعیل

***

اسکر وکصر الکاس وبچیلک اشواگ
باعو عرگ مقشوش لثنین‌ عشاگ

***

عاشرته مو یومین های ۱۲ عام
طگنی ابکلام الیوم طشرهن وگام

***

حسبالي کلهه أتخون بس أنتة صافي
بیك اطلعت غلطان يلما توافی

***

کون الله لاينطي يوم التركني
چنت آنه الموافي طگنی وجرحنی

***

من شلتو الهلیوم وگلیبی ماطاب

یاهوالیروح اویایی ونشوف الحباب

***

یاهو الیروح اویایی ونمر علیهم

ودولی چم مکتوب لازم نجیهم

***

یرایح انته اویاک مرلی للحباب

گلهم عزیز الروح من المرض طاب

***

چان وچنت یهوای چنت انشداعلیک

هاکثربیک اطباع یاهو الیمربیک

***

چانت وچنه وچنت ویاهم

هسه من شفتک ذکرت ایامهم

***

❤الشاعرحبيب ابواحمدالعبيداوي​​​​​​❤

*لاتکثرحچی لو مجلس مشیت*
*ألجمع یحترمك أذا شافك سموع*
*ولا تجالس نسه اومنهن تستفید*
*تدري من تجلس زلم لازم تموع*
*ولاتماشي القبر من مهما یکون*
*الزین یتعناك أذا شافك قنوع*
*ولاتأمن دمع تمساح الیهیل *
*ارجال کثرا انباگت ابسدالدموع*
*ولاتصاحب ذیب وتأمنة وتنام*
*الذیب طبعة ابسرعة یغدر من یجوع*
*ولاتطیر ابشهگه ویغرك هواك*
*الیصقط امنلشهگة ماظلة رجوع*
*ولاتفکر احد ایحن الهواك*
*ألنفخة ازغيرة وتطفي اشگد شموع*
*ولاتخرب قصن شجرة البيهة عیب*
*أعدل اعيوبك وصیرألهن طموع*

(کلمات حبیب ابو احمدالعبيداوي)

صیر انتة ابمكاني وعيشكلك چم یوم
ونه اصیر ابمکانك و انکر العشرة
اريدنك تحس بگليبي المجروح
وبعينك اتشوف احبيبك اتبره
ولازم کون اکثر تبقی مثلي اتعیش
وتعانی الاعاني وعيشتي المره
واللّه وداعتك بس هذا عتبي اوياك
ولا حبیت سوء أیصیرالك مره
وکل ما تجي ابالی أدعيكك آنه ابخیر
آذا تمشي اعله صبخه اتصیرلك خضرة
واللّه آنه اعلمودک ما آنام الیل
وأبقي اتذکرك حد الفجر سهره
احلفک بلگلب بعدین بلعباس
فضيتة أعله غربة وجیتنی آبعذره
هم تدري أبغيابك من عفتنی اشلون
صایر ما امیز الیمنه و الیسره
وأذا حبیت تعرف شنهو بیه اشصار
طب غابه أبخریف و شوفلك شجره
بقت توگع ادموعي ابوگعت الاوراق
وبعد فتره توشل ماتضل گطره
وتعرف من یجیلک خبر بید الناس
یوصفوني جفاف وصایر الصحرا

(کلمات الشاعرحبیب ابواحمدعبیداوی)

صوره یائسه ابلون الندم
اتذکرتهه و وینه الينسيني
ابصهیل الحزن ظگت المستحیل
وبخناجر حرمله ایرامینی
مشحوب الجفن من کثر الدموع
وبلدغت ملول انحل يحيني
ابحقیبت سفر تارس مستحا
بلطریق وبلکت ايراويني
باهت لونهه ویابسه ابذور الشوگ
مرسومه بعیونه من يلاگینی
سمچه امزوهره امخليني ولصیاد
انته وشبچتك وبفاله ترميني
شفتک بیر تحفر وآنه المریود
مثل یوسف واخوته ابحیله تنفینی
مزروع ابزرع حملی سنابل خیر
وبمنژل قهر خایف تعابینی
اطوف ابحظرته الحد ما یرد بي شوگ
ونذرله نذر من مای البعینی
سراب ابظحکته یلمعلی امنبعید
خادعنی کشفته ایرید یسبینی
رظیع املفلف وبگماط الیتام
يلولي ابهزت الکاروك یفدینی
سریت ابقافله وذکرک متاعی ایصیر
وبنص الطریق انباگت اسنيني

(کلمات الشاعر حبیب ابو احمدالعبیداوی)

سامحتک صدگ بس ماگدرت انسه
لان جرحي غمیج وباقي حد هسه
مولعبت جهال وتنسه من اتجوع
بس تخلص رضع تتذکر الونسه
ولاصرخت ابنیه ابموتت الدفان
صدیقه الي یلقنه ویعرف الحسه
اساسك بلمقالب تکتل الناطور
چن فارس قشیم وتنوخذ فرسه
اهي لچمه ثخینه وچن عطر کافور
تنحط للجثث لاتندفن نجسه
اهو السویته انته ابعالمك مقبول
بس ابعالمي ما اقبل ادنسه
زیج الشگگیته ابحثله عن خیاط
لاتگعد وتاخذهه علي خنسه
خليلك لودفنته ابحجت المسموم
لتکابر غرورك رد علی ردسه
اهي امشاگف قذيتك ولوکت معکوس
لابد یوم یفتر النه ونحبسه
یادخان حرمل بس للیحسدون
ماشفتک حفظت الوفی وتحرسه
یلکلک چنت انه انته بس الروح
عیب اعلیک ابچی او اصفج الخمسه

(کلمات الشاعرحبیب ابواحمدالعبیداوی)

فرق البینک وبینی
احبک من گلب ولسان وانته اشلون متعافی
دروح ولاتردماریداموت اعلیک
خجلان امنگل الناس مو وافي
اسألك یاصبر شنهوالعمل ایوب
یوم الصاحبیته وجیت اله حافي
موش املاگه طگ وتگول اشومطگوگ
اهونبت خناجر من ورا اچتافي
اشحسبالک یگلبی من یمرنی الیل
انام ومثل باقی الناس هم قافی
علی هذا الوجع شتگول هم مرتاح
لوانطق وگلک بس ولک کافی
ادری ابروحی یمک وادری اموتن بیک
وادری ابگلبی هوه الخرب اوصافی
الأسف مابیک حس ولا الک معروف
ولتحب الیحبک من گلب صافی
( سوال ) خلقاک اآبذهب وحنه انخلقنه ابطین؟
الضلع مالي گصیر وماهو منسافي؟
نبي ایوب عمي وماعرفت ابهایی؟
لو طيني صلب وانته الترفرافی؟
هم گلي شنو الموضوع ؟
اذا ماعندك ای اجواب
انه اترجاک بس کافی
انه اترجاک بس کافی

( کلمات حبیب ابواحمد عبیداوی )

مصدوم وابحث عن حرب لابخچتی تحمل دوا
ولاسان سیفی امحدده ولایصح حداد ابدرب
امضیع مثل ام للولدتمشی وتدگ ابلا وعی
وبکل کتر سووت اثر دمعاتهه وتترس جرب
مشهور مثل ادراغ ادگ موظحکه وبشفت ولف
یتونس الراعی امندگ‌ومشردابصوتی الغرب
ارضت خشب تدخل سلف معروفه بم حلگ الفگر
صایر مثل لهل البخت صاحو علیک ابعد درب
لمعات عینک چن خرز بیهن وکاحه وغایه
مالك سند بیهن مهر تلعب عليك امهرب
چماربرحی امطلعک ماتحصل ابوکت الرطب
تاجرفحم ومعاملک ماعنده نخله امجرب
یلریحتک چن صره وبطن الغزل یملکهه بس الصیاد وسوالفک خشبت حطب ونحتهه مثل الکهرب
مو انته بس کل الناس هیچ وعلی تتمگطع
حتی الخفیف امنلجبل لوطاح هم یدهرب
هم التفت وانظر ورا وشوف الکتلته ابگاعه امس
دفنو هله التمت عرف لو ضاع ویه الیکرب
ماضاع ای دم انکتل لولبد وی نجم الظهر
شاجور ساعاتک خلف عرکت عمام ویلغرب
ماتطلع الچیله طبگ فشگاتک اشداده وقبر
تشبه صریخ وبلسلف شیخه وگرصهه العگرب
عدله ومشت ماظن ترد چانت قسمتک هایه
حیل العفه طگ ابعجل هدم ابیوت وخرب
ناس التأمنک من صدگ لا تلعب وتتقشمر
حوبتهم اتظل للابد تاکل ابعمرك چن ملح لایفسدولایخرب

(کلمات الشاعرحبیب ابواحمدالعبیداوی)

تونه ابتدینه انشل اجروح الابو وتفتگن جرحین
وتونه ننشف بلدمع ونفگست العینین
وتونه رفعنه آلظهر یوم الحناه البین
وتونه نرهم بلخلگ من یوم شال الزین
وتونه نسکن بلالم من راح ابونه الحین
چبحک ولک یادهر گلبک اظن من صخر
قمک ولک یادهرصاحبت کلمن اقم وتموت الطیبین

(کلمات الشاعرحبیب ابواحمدالعبیداوی)

مابیه اعله العتب والعتب یوجع حیل
الک صفنات وکت اغروب تشکیلی وتحاچینی
خلص لومی اعلی یومی اشلون تگضی اشلون
هلبت بعدیوم وتخلص اسنینی
اهو ناعور مایی وظل یهیل اتراب
ابناری انطفت نارا ومایطفینی
سبحت یسر شیخ انگطعت امنروک
طحت ویه خرزهه ابشکل من عینی
موماهی سوالف های ذیچ وهای
دیوانک افرشه وافصل اسنینی
ماجای انه ادگ ورمیلی چیله وروح
وعلی ابقلمی اکتلک واخذ ابدینی
حسیت ابشعورک صورت املاگه
وعله تابوتی تنحت زلم تفاگه
عطوه اطلبت منک و گطعت بیه
وعملت اویایی عمله الدمعه حگاگه
تطفر یانهر ولممشه صاراسنین
لک جدمی تعب ردتک تمشینی
چنت عاگل گبل وانه الادلی الناس
هسه العگل خل وانته التدلینی

((کلمات حبیب ابواحمدالعبیداوی))

راح اصرخ ‏وصیح ابصوت اهواک
وکلساعه اقص ابنظرت اعیونک
واریدابصورتک ارسم اعجاب الکون
وخلی الناس تعلم آنه مجنونک
وعوف الشعر کله الینکتب علشوگ
وگعد بس اصف احروف مظمونک
وظل ابلاهدف بس فکری ویاک
واکید العمرماینعاش من دونک
حیاتی انته واهم من نورالعیون
اذا ماتبقی اموت اوداعت اعیونک

( کلمات حبیب ابواحمدالعبیداوی )

اشعلتني ابنارهجرك لیش الفراگ
وعلیش اتریدماترجع تطفيني
انجنیت ابغيابك بس افكربيك
وفاظحني دمع عيني المواسيني
اتمنيتك ترد تظحكلي ابملگاك
وبسمت شفافك الي اتعازيني
ردتك بس دوا وتشافي الجروح
وبکلمت احبك موت تشفيني
فارگتك قصب بس لاتظن انساك
لان مطبوعة صورة منك ابعيني
...............................

(کلمات حبیب ابو احمدالعبیداوی)

گالو طاح کلش طلعن اعیوبه
ومن ظیم المأسي شگگ اهدومه
***
گلت ماطحت آنه ولا طلع عیبی
وکل ظیم المأسي مایشگ ژیبی
***
گالو طاح کلش فرحو الشمات
ومن ظیم الدنیه ظنه هوه المات
***
گلت ماطحت آنه وعله علشمات
وکل من گال میت واللّه هوه المات
***
گالو طاح کلش منسمع صوته
ومن ظیم المواجع اقترب موته
***
گلت ماطحت آثه وینسمع صوتی
وکل من قار منی شیّع ابموتی
***
گالو طاح کلش ماحچه چلمه
ومن کثرالمخاوف مانظن زلمه
***
گلت ماطحت آنه وچلمتی چلمه
وکلمن حچه ابظهری هوه موزلمه
***

((کلمات الشاعرحبیب ابواحمدالعبیداوی))

*لایغرك غرورك هذا ذات ابلیس*
*صبخ گاعه وابد ماتنبت الزینه*
*عگل انطاك ربك شرفك علکون*
*بي خاطر تمیّز الزینه ولشینه*
*وکل انسان یکتبله نصیبه ابساع*
*علگصه وابد ماتگدر اتردهه *
*واذا انته ترید اتقسم المکتوب*
*توگع وگعت ابلیس الوگع بیهه*
*یبن آدم اوصيك ابشجرتك لاتضن اتخون*
*تگطعهه وترید ابغیرهه اتسدهه*
*ولتفکر بعد من ترجع اردود*
*تشتلهه و ترد ای هیه شجرتهه*
*لان کل بذره اللّه امقسملهه الگاع*
*موش ابکيفك انته اترید تشتلهه*
*ماکبر کلامي ولا اهین انسان*
*الیدرك زین هوا ابعگله یفهمهه*

(کلمات حبیب ابواحمدالعبيداوي)

یبوبخت الچبیر وتعرف المعروف لوطگن شگلکم مایعرف الخوف اله هیبه اوشجاعه اویوم اله موصوف
**راح امنیدی یسعیده ابنچ**

(( کلمات حبیب ابواحمدناصرالمنصورالعبیداوی ))

اجلبنک یلیلی ولدموع اتسیل لردان الینشف لایصح مندیل*
اجلبنک یلیلی موفردساعه حسباتی چثیره اتگول طرگاعه*
اجلبنک یلیلی ولشکول اشکول شری حنظل یریجی امزگ ابعاگول*
اجلبنک یلیلی ولعیون اصیاح ناطوری یقفی وصارچن فلاح*
اجلبنک یلیلی امعذبات الروح سهراتک طویله وبیهه چم مجروح*
اجلبنک یلیلی ابظلمتک ضایع اشگدساترامصخم للولف بایع*
اجلبنک یلیلی وهای معروفه بلعباس احلفه وگطعت اچفوفه*
اجلبنک یلیلی وفززیت الناس حافی ادخیل اروح الذاک
ابوالنوماس*
اجلبنک یلیلی وبیک چم لوله کتبت انه عتابی روحو گولوله*
اجلبنک یلیلی اگظیهه نطارا افکربلقصیده البیهه یخسارا*
اجلبنک یلیلی اشلون ویه اشلون یاکل من رزقنه ویجلب الماعون *

((کلمات الشاعرحبیب ابواحمدالعبیداوی‌))

*اهدومی ابنار من ظیمک دولی*
*ردتک عود لجروحی دولی*
*اترید اتعوفني وترحل دولی*
*الف مثلک ترا ایبوسون ادیه*
-كلمات حبیب ابواحمد العبيداوي-
.............................................
*گلت متریدنی اتوکل ترد روح *
*تذکر عشرتک چانت ترد روح*
*اذا رايد تروح انته ترد...رووووح*
*اعرف من تروح اترد عليه*
-کلمات حبیب ابواحمدالعبیداوی-
................................................‌‌‌.

هاخویه اشلونک اشلون احوالک؟
مرتاح وانته بلگبر لوظیج امکانک؟
اشلونک بلگبر همگلی مرتاح؟
لو تجعد وانه اروح ابمکانک
ارسومک یخویه هم بعدهن حلوات؟
ابفرگتهن الحلوه بعدهی اسنانک
هاخویه هم خلگک یضیج و تشتاگ ؟
هم تذکر اولیداتک وخوانک
امک یخویه فارگت حتی النوم
وکل ساعه بنتک تسأل ابعنوانك
من فارگتنه الدمع مابطل یوم
والعید لون اسود صبغنه الوانک
حصره الخواتک شوفتک ضلت دوم
باعن فرحهن وشترن بحزانک
ماعندی کلمت شعر لک بیهه اوداع
اتمنه کلمه اسمعهه من السانک

((کلمات حبیب ابواحمدالعبیداوی))

روحوگلوله أنعس ماشنام
لليحبك یاترف حط احترام
روحوگلوله انه عاشگ حبيب
غيره بلدنيه ترا ما صح طبيب
انه ياهلناس بلدنيه غريب
طالعت وبهلوکت ماکوالتزام
روحوگلوله وحگ رب الحيات
 انته گتلي تحت امرك هلبنات
خيل چنهن خيل چنهن صافنات
مایجن لیش ويگومن بحترام
روحوگلوله يمرساعه علي
حتی اتشافه بحگ سیدالانام
ابساع اتشافه بحگ ربي اوعلی
ابدماعندي ابهلدنيه انسجام
روحوگلوله مريض ومایطیب
والمرض ياذي ماصحله طبیب
اهوه عاشق ولعشق بي التزام
روحوگلوله يجي لیك الولف
یگظي ایامه اوياك ابهلحچي
شاعر وشعرك يذكرني ابهلي
والله عجبه للخلگ هذاالقرام
روحوگلوله شجاك اوماتجي
ماتخاف امن الله وايمامك علی
تدري بفراگك يبويه مبتلي
گوم یاخلی يشاعر يا وسام
《رساله من الشاعر المرحوم ناصرالمنصورالعبيداوي قبل وفاته به شهر الى ابنه الشاعرحبيب ابواحمد العبيداوي》 

ابهیده یالیالی الظیم ورعن.
زمانی امسودن ومخبول ورعن.
اشوفن دوب لمست انف ورعین.
تهمل ولأخو میهم بخیه
✍🏻کلمات حبیب ابواحمدعبیداوی
ــــــــــــــــــــــــــــــــــــــــــــــــــــــــــ
خیل اصبربلمئسات یرعن.
هاجن ولدموع ابغضب یرعن.
اذا سکتیت لتظن خفت یرعن.
اخاف امنلنذل یشتمت بیه
✍🏻کلمات حبیب ابواحمدعبیداوی
___________________________
مره اتل ابگلبی مرتلهه.
وانه المایوم فاهم من رتلهه.
گلت دنیه فنیه مریت الهه.
ابعتبت بابهه وگطعت بیه
✍🏻کلمات حبیب ابواحمدعبیداوی
ـــــــــــــــــــــــــــــــــــــــــــــــــــــــ
چنت ماشی ابطریجی مرتلهه.
عژوز ودرده شارد من رتلهه.
الدنیه انوب  عالی مرتلهه.
ومره اسفل امنعروگ الوطیه
✍🏻کلمات حبیب ابواحمدعبیداوی
ـــــــــــــــــــــــــــــــــــــــــــــــــــــــــ
اشو طگ الزمان ویایی بلهام.
وگظیت العمر یاهلناس بلهام.
موآنه الخنت یاحیف بلهام.
وفیت الهم وهما اگطعو بیه
✍🏻کلمات حبیب ابواحمدعبیداوی
__________________________
اشوصار الحچی کله لمعدان.
الفظه ولذهب یخرج لمعدان.
اصولی وآنه مرجوعی لمعدان.
امعیدی وافتخربصل الأبیه
✍🏻کلمات حبیب ابواحمدعبیداوی
__________________________
مرض مُسری اجانه اسمه کرونه.
وبسیف الحقد کلنه کرونه.
طلع واحد نقل‌یدعی کارونه.
شطی وآنه اسسته بدیه
✍🏻کلمات حبیب ابواحمدعبیداوی
___________________________
یروحی اشمالچ اتأمنين بيهم.
منهم ولگلب مضرور بیهم.
تعال وشوف حالی اشلون بیهم.
اهم وصفج ندم بثنین ادیه
✍🏻کلمات حبیب ابواحمدعبیداوی
____________________________
یلاهی المشکله العندی تطرطر.
ناصب دوشتی وعطسه تطرطیر.
گعدویصطراعلیه تطرطر.
طیر طیرتی ویلفح علیه
✍🏻کلمات حبیب ابواحمدعبیداوی
________________________

العشمه اتغیرمره مرسلهه.     
انبیاء الله یعالم مرسلهه.
اتشوف الروح تسحن مرسلهه.
وگلهه الصوچ بیهم موش بیه
✍🏻کلمات حبیب ابواحمدعبیداوی
_____________________
مره ابرد ابروحی مرسنهه.
وسکان الرکایب مرسنهه.
مره انسه اسمهه مرسنهه.
ومره انساهه کلش موبدیه
✍🏻کلمات حبیب ابواحمدعبیداوی
_______________________
یروحی بلمأسي لاتسلين.
ابمخيط ظيم چبدی لاتسلین.
نصحتچ علجفانی لاتسلین.
جفانی وخیب اضنونی علیه
✍🏻کلمات حبیب ابواحمدعبیداوی
______________________
یریت ایرفرف ابلادی علمهه.
وصلنی طمست اهویتی علمهه.
صرت مثل الیتیمه اتون علمهه.
تبچی وتنحب ابونه شجیه
✍🏻کلمات حبیب ابواحمدعبیداوی
_______________________

احاچیک وتگلی انته بسک بس.
ابوسنک تردلی انته بسک بس.
اذا ازعل علیک آنه بسک بس.
الدگمه وافجر العام سویه
✍🏻کلمات حبیب ابواحمدعبیداوی
__________________________
طگ شاتون گلبی وگطع ولفایی.
ابسبب عمله العملهه اویایی ولفایی.
بقیت افتر ودعم ورد ولفایی.
علیهم بس بعدمایهم بیه
✍🏻کلمات حبیب ابواحمدعبیداوی
__________________________

*گمت ابچی و ونن شیعو مجنون*
*مایدرون حگهم روحی مجروحه*
*ابسکته ابچی وونن مااورج الناس*
*بس هیه المصیبه الدمعه مفضوحه*
*اشکثر عادونی ناس ابسره المکتوم*
*انه المفضوح سری وسره مابوحه*
*ساومنی ابشر ماتسوه حتی اقران*
*صرت جثه ابلحد وبگبر مطروحه*
*چنت کاتب دلیل ولافته ومضمون*
*وشارحله القضیه ابکلمه مشروحه*
*رسمت ابخارطه شکل الوفه وعنوان*
*وطلع تایه ابغیری افکاره مسروحه*
*موبس عیب ملحک لو یخون الریج*
*عیب اعلی الملح لو خان الملوحه*

✍🏻 *کلمات حبیب ابواحمدعبیداوی *
ـــــــــــــــــــــــــــــــــــــــــــــــــ

*یانهر عوف النهایه وفیض*
*چمدوب تبقی تصتبر والصبر مالک طین*
*لاتبقی صافن یانهر*
*وتصیر عبارت غذرونظل والموزین*
*ارجوک اصحی یانهر*
*ولتجرعلیک المثل وتصیر هسه وحین*
*وتعرف اذا تصقط دمع*
*ماترجع ابداً للجفن لوتعمه حتی العین*
*وتنمسح انته ابنص ردن*
*وتصیر سالوفت اغم تنسی من بعد اسنین*
*اخذانته بحچایتی یانهر بلله وسیر*
*لاعندی ویاک ای طمع لامصلحه لادین*
*بس گلبی اعلیک احترگ*
*تعرف اویاک امشی ابوفه*
*هم تعرف آنه امسایرک*
*ماشیهه ویاک امنین*
*منعهد مانبعت فوگ الارض طفحیت*
*لاتبقی صافن یانهر عوف النهایه وفیض*
*وخلیهه تبقی هیبتک لاتصفه جرف امنطین*
*وتصیر عبارت تفروالنجس والموزین*

✍🏻*کلمات حبیب ابو احمد عبیداوی*
ـــــــــــــــــــــــــــــــــــــــــــــــــ

*یروحی اشوهنچ شورطچ شبلاچ*
*اعله قفله وچن یلبوه انکتل شبلاچ*
*الظیمچ ولگلب برکان شبلاچ*
*یگاطف حجر چن سجیل بیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*ترادف حیل بیه الوکت ویعات*
*ویجر ابلارحم بحشای ویعات*
*ولانی وحیف سوه الویع ویعات*
*ثگل حملی وغده یظحک علیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*ابنک لو کبر یسأل بلدمان*
*هذا الأسمه اهوازي بلدمان*
*شباب وبقت ونستهم بلدمان*
*هضیمه نسکت الهای القظیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*توجع چلمت البویه ولکیاب*
*شبابه باعه بس راحه ولکیاب*
*اشگد یرتاح اذا تندب ولکیاب*
*تشافی اجروحه وهمومه سویه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*اشگد ونیت الک ونی فلافاد*
*او وکتی ابغیبتک طگنی فلافاد*
*خویک لو وکت عسرک فلافاد*
*بعد متفیدخوّت هلدنیهه *

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*حسافه ارخیص شو خلی سمانی*
*وآنه القسمته السوده سمانی*
*ریته بلأكل سم حط سماني*
*ولا شوفه رخیص ایسوم بیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*ابد ماماشی الیدوّر معالی*
*المعالی بس لهو الباری معالی*
*اشکر کل اخو عنده معالی*
*بصمه وبلعسر واگف الیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ

☆ طعنّي أبخنجره من ظهري ماحسیت ☆
☆ هیه اسموم غدره الي تحسسني ☆
☆ ترا أسهام العدو ماتوجع أمنتفوت ☆
☆ بس سهمك حبیبي حیل یوجعني ☆
☆ وأذا انته القدر من ألبدایه اویاك ☆
☆ لیش أویایي تمشي وبي تعیرني ☆
☆ اَنه ألحالفلك أموافي أظل للموت ☆
☆ ولیش انته من الاول چنت بایعني ☆
☆ بعتني ودمرتني ألخاطر الذات ☆
☆ ویاحصره الچبیره أرخيص سایمني ☆
☆ دفکنه منلعتب وحچیلك آنه انوب ☆
☆ لحظه اگعد اگبالي ابدقه وسمعني ☆
☆ چنت ابناظري اغله بشر بلکون ☆
☆ شعره من رموشك تسوه اکواني ☆
☆ اتراجع ابوصفك للذي ايسمعون ☆
☆ واگللهم حبیبي اشلون باعاني ☆
☆ مامستوعب ومتعجب الهلیوم ☆
☆ حبیبي الي هدیته اعیوني خاناني ☆
《کلمات حبیب ابواحمدعبیداوی》

*لاعندي دغش لا مطلبي ویاك*
*بس انته أغیم وما احب ممشاك*
*مشیت اویاك حسبّتك اخو‌ وتعون*
*ماحسبّت انته اکبر عدو الگاك*
*ابوي ومن زقر وصاني عن ممشایی*
*بالك یبني لتماشي الغبر أیاك*
*اذیاب امنکره بجلود النعام *
*بس اتصیر حشمه ایعوفك وینساك*
*ابوصيته وجاب ابوي امثال الي عبره*
*یبني صاحب صحیبك سنه*
* ومن بعد السنه جربه*
*وحچي علی ابرده ومن بعد الرده جربه*
*ولوکان یسوه الربه ابهِمه وعجل جربه*
*وامشي اویاابصدگ وانطي فقط محنه*
*ولا تعمل انته الرده وتّمحنه ابمحنه*
*ومحنتك هي محنته صیرو فرد محنه*
*غدوه ومثل للبعض سووها هي جربه*
{کلمات حبیب ابواحمدعبیداوی}

*اجروحی اشکثر زادن کلمنهم*
*انترس ماعون صبری کلمنهم*
*یهلماشی النزلهم کلمنهم*
*وگللهم ابهجره اشصار بیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ
*سرالی ابوصط گلبک دکتمای*
*وعلی الزینین یاجفنی دکتمای*
*صرت مثل الذی عنده دکتمای*
*الگیظ ایبیع ومعزل شتیه*

✍🏻 *کلمات حبیب ابواحمدعبیدادی*
ـــــــــــــــــــــــــــــــــــــــــــــــــ
*اشدنهه واذا گدریت حلفان*
*ویگلبک چان شبه اگلوب حلفان*
*اشوفه ایخون بیه وصاح حلفان*
*اشتحلف وآنه کظیتک بدیه*

✍🏻 *کلمات حبیب ابواحمدعبیداوی*
ـــــــــــــــــــــــــــــــــــــــــــــــــ

​*اليحس ابألم شی هوده ونومه*
*لأن يسمع حچی امنهله ونومه*
*الرسایل عدنه شو اس مس ونومه*
☆وانه اعلی اعناد اکتب اعربیه☆

******************************

*اعله اکیفک ویه گلبی اجروح تربا*
*الرظیعه ابلایه امهه اشلون تربا*
*خذیت اتراب رجله وصقت تربا*
☆اصلی وبعد لایزعل علیه☆

*****************************

*الیصیبه مرض گلی اشلون طیبه*
*وعلیش اتجازی بلموخیرطیبه*
*خویک لوعمل ویاک طیبه*
☆تظل وفایله حد المنیه☆

*****************************

*چثیره ابیوت اودیلک ونخلک*
*وشوف ادنانک ودگتک ونخلک*
*انه امنزمان هم عمک ونخلک*
☆وانه بشعاری اودیلک تحیه☆

********************************

*بلشدات لاهودن ولانخ*
*وللموزین لاصاحب ولانخ*
*اهد الوحدی لاصیح لانخ*
☆اصیح وباچر ایعیرون بیه☆

**********************************

*دخلینی اجربلیل ونخل*
*وحشم بس علی الزینین ونخل*
*ونه عم وابو للزین ونخال*
☆رایه آنه اصیرله تچیه☆

***********************************

*یخل اشماتخل ویایی خل خل*
*خلیلک ولیخلک خلل خل خل*
*خالک لوینخلک نخل خل خل*
☆ابثلثينه يطالب بيك ديه☆

************************************

*غده يظحك علي لدگم ولی رب*
*الی حیدر یحامیلی ولی رب*
*هذا الیتعب ابعمره ولی رب*
☆کون ارباته تتجازه ابظحیه☆

****************************

​​​​​​《کلمات الشاعرحبیب ابواحمدعبیداوی》

*ابحزنی کل خلگ یاناس وسات*
*وعلی تبچی جهال وزلم وسات* 
*ابدلیلی صارخمس اجروح وسات*
☆نبت ولنذل ظل یضحک علیه☆
《کلمات حبیب ابواحمدعبیداوی》

{حشه القاری} 

*الشرجی ظیعیته اوظاع شملای*
*اوجودی سردیته بعدشملای*
*اتمنه یرجع ابهلیوم شملای*
☆اونگعدبلهنه گعده سویه☆
*********************
*علی الظعان صحت الجوک وچلای*
*عگبهم ظیعیت الشرب وچلای*
*انمردگلبی علیهم یخی وچلای*
☆اخافن یبعدوکلهم علیه☆
**********************
*انترسن حیل من الدمع ینهار*
*اوجسمی علی افراگ الاهل ینهار*
* المایسوه علی یاخلگ ینهار*
☆نهرنی اوزمخته اثرت بیه☆
***********************
*اهلنه اسباع ماواحدیردهم*
*اولطیبات قیرتهم یردهم*
*ماتنمل یخی دومن یرتهم*
☆ابین انفوس اهل قیره اوحمیه☆
************************
*اخذمکتوب منی ارجوک وصله*
*الهلی اهل المحبه دوم وصله*
*علیهم صارگلبی اثنعش وصله*
☆احبنهم یخی وگطعوبیه☆
*************************
*اخیول الاهل للعدوان وصلات*
*الفرحتی صارگلبی اثنعش وصلات*
*الربنه کبرت وذنت وصلات*
☆الله ونبی سیدالبریه☆
*************************

الدهرچندوب ینصب متام انه
وبددولت الخارم متام انه
اخوی الچنت احبه متام انه
خذاه البین منی اوفتک بیه
********************
الدهرچندوب ینصب متم انه
اوچم واحدمنهلی ماتم انه
الفرح یاصاح لسه ماتم نه
ونه حزنان دومن بلدنیه
*********************
الدمع فوگ الجفن یاخلگ یردم
اوصحت اعلی ازمان ارجوک یردم
چه شفت الشنص بلچهف یردم
جفانی اوخیب اظنونی علیه
**********************
یدهری لاتیر لحظات یردم
اودمعی علی افراگ الهل یردم
چبح وفگی الگام ابصخریردم
اتلوه ولعدویشتمت بیه
***********************
لاقوه بگتلی بعدوندای
ولاواحدسمعلی صوت وندای
احشم گمت بعلااصوت وندای
الحگوعلی یلبیکم حمیه
************************
گلی اشخربک شطاک شملاک
عفت کلشی التحبه لیش شملاک
احبابک ولتحبهم ذول شملاک
بظیعهم ولک قصبن علیه
*************************

أکره طیف لو مرني وطلع چذاب
وخصوصن لوأشوفن بي حبیبي وجایني للباب
أحبنة یمرني وبي کومت حب
وأحبه أکثر أذا مرني وأشوفن بي کثرة أحباب
خاطر ابقی اکثر قامض اعیونی
وبورد الربیع افرش طریجة أعتاب
بعتابی افهمه اشعملو العذال
مثل غیض الشموع ویة الهوه لوهاب
وظل محتار أذا فزیت اروحن وین افسره ابیاعباره
وحسباتي المهن واحسبلهة احساب
وظیع اویة الدرب ما ادري یاصوب
یحش بیه القهر بنیاب الذیاب
اصرخ وآنه صیح امشی الغضب عباس
وحلفنه ابرسولة وجاه الکتاب
وترجاه بخوه احسین یوم الثار
یعلمنی ابطیفي اشوده وشجاب
لأن تعلومة بيهه ريحت اچفوف
اوفگس عین ابرمح وراس منصاب
وبي خیمة وگلب وحساس مگلوب
واکض شباچه واصرخ آخ یایاب
حققلي الحلم یم ربك اترجاك
لأن لوشاب عمري بعد ميفيد الخضاب
{كلمات حبيب ابواحمدعبيداوي }
 

《الشاعرحبيب ابواحمدعبيداوي》


 

صوبونی ومن نزیف اصوابهم ماظن شفیت
وماکو‌واحد منهم الهمی اشتکیت
زاعلونی وقشمرونی وعذبونی
وبملوحت دمعی بس آنه اکتفیت
مثلونی اهدوم موته وبیه چزه
وتالی بقمامه صفیت
وصرت الهم چن نذر چنی ضحیه
حقی وبهذا الشطر هم ارتضیت
استنکرونی وبسلفهم چن غریب
ومن شفت هیچی السوالف ای بچیت
ای بچیت ولبچی مو بس علیهم
صارنوحی وکل ونینی عله الویاهم ربیت
لیش یسمر من شفتنی
صحت لاهل من اجیت
وآنه جبت الوکت کله بس ادور عن سلفکم
ولااجه ابالی تگلی لاهله لامرحبا لالانسیت
شنو اشتعنی ابکلمت لالانسیت ولاهله ولامرحبا
یعنی شنهو مات بستان العشگ من اعتلیت
ولک ذوله الناس قشمه القشمروک
ورادو ادهور عشرتک من بدیت
وآنه جای وبس انصحک
والله تدهور بدونی لو مشیت
صوبونی ومن نزیف اصوابهم ماظن شفیت
《کلمات الشاعرحبیب ابو احمدعبیداوی》

{ الشاعرحبيب ابواحمدعبيداوي }

*الوادم دومن ابصحه ونارک*
*زمانی ایقشمرالعالم ونارک*
*طفت کل نارالبگلبی ونارک*
☆ابچبدی تشتعل صبح ومسیه☆
*****************************
*اعیونی من چثیر الدمع یاریت*
*ابیوم الدنیه شفت اویایی یاریت*
*تعذبنه وخیول الوکت یاریت *
☆علی اطیبین ولبیهم حمیه☆
*****************************
*من ربی انکتبلی حکم وجرا*
*چانونک ابلب احشای وجرا*
*اعله موتی اشکثر تنطی افلوس وجرا*
☆ونه قابل ابکلشی الصاربیه☆
*****************************
*ادیاراشوم من الاهل خلات*
*ببره وخیط وصطه الگلب خلات*
*نواطیرابطریجی اشکثرخلات*
☆تریدانکرهلی غصبن علیه☆
*****************************
*ابچی امن البچه لعیون عامین*
*امفارج ولفراگ ایطول عامین*
*علی بظیم ولوعات عامین*
☆عمنی وراحن اعیونی سویه☆
*****************************
*گطعت امن الگلب یاترف بتین*
*ولک لچمات وصطه حشای بتین*
*الیخلف هلوکت یاناس بتین*
☆تصیراطلابته کلش ردیه☆
*****************************

*لعبت اچعاب صولي ليش مالاچ*
*ابگلبي اشکثرلاچ الوکت مالاچ*
*یگلي التچ علی ازلفات مالاچ*
☆صحتله ابعد یبو ذات الردیه☆
*****************************
*وکتی للگلب وحشای ماچال*
*لو لم لم علیه الظیم ماچال*
*طیری الطیرته لیش ماچال*
☆لعدهلساع مابین علیه☆
*****************************
*قوجی القاربلمیدان ماچال*
*اوطیرالطیریته اشعجب ماچال*
*گلبی الفرگت الخلان ماچال*
☆مرض ولمرض حیل اثرعلیه☆
*****************************
*جرنی ومن یجرنی الگلب یردم*
*یون ومن یون ابحزن یردم*
*من شاف الشنص بصخر یردم*
☆عدوی وصدیق اشتمت بیه☆
*****************************
*یاهل موزقیر اسنین یاهیل*
*من کثرالمحبه اتگول یاهیل*
*احبنک علی الچایات یاهیل*
☆عطر لچای ولگهوه الزهیه☆
*****************************
*چنت بطران چنی عگل یاهیل*
*عجب تنسون هیچ ابساع یاهیل*
*اطبخک من اخدر چای یاهیل*
☆تطیب الحلگ بعطورالزهیه☆
*****************************

{ الشاعرالأديب الوالدالمحترم ناصرابن منصورعبيداوي}

*کصرالعظم گلي اشلون لحمة*
*العدو وياك چیف ایصیرلحمة*
*اشمالك لوندب ركظيت لحمة*
☆اوتعرف بي مايسوه الخويه☆
*****************************
*حزین اهدوم سوداعلیک لاباس*
*تقشنی وگلت یبن اناس لاباس*
*تزعل من المسک ولک لاباس*
☆الخدک لوبست تزعل علیه☆
*****************************
*انترسن من دموع العین ینهار*
*علی جسمی القده کلیوم ینهار*
*ابغلط وبجورگام النذل ینهار*
☆نهرنی وگال عوف ارض الوطیه☆
*****************************
*احلفت مایوم اعوفنك وزلفاك*
*اكتلتني ابنظرت اعيونك وزلفاك*
*صاحي لاقلط عندك وزلفاك*
☆نظيف ولصدگ تسوه الخوية☆
*****************************
*طحت وناس صاحتلی ولک حیل*
*لأن مافرزن الأكدش ولك حيل*
*انخصن الك چم عجده ولك حيل*
☆اسرع من تحل وحسب اليه☆
*****************************
*الوكت مايرحم ابناره ويانه*
*يغيب ايروح كل مده ويانه*
*امحارب مدري ابقصته ويانه*
☆يلم لم حطب ويچوم علیه☆
*****************************

*مثل صفصاف یابس یبس عودای*
*ابیوم الرحل من اسلف عودای*
*یدنیه ابخیرلینه یوم عودای*
☆اشبیچ امحاربه البیهم حمیه☆
*****************************
*یدنیه اسنین الی من الظیم عدای*
*لاعم لااخو لاابو عدای*
*فردلحظه ابفرح وبطیب عدای*
☆علینه ونگعد ابگعده هنیه☆
*****************************
*یگلبی یبس من اظیم عاداک *
*وشوف الوکت طول العمرعاداک*
*انکصرت ابیوم اجاک وخذه عاداک*
☆اشوفنک حرت بین البریه☆
*****************************
*یدنیه اشبیچ من رجلی تربطین*
*او وکتی دومن ایقطنی تربطین*
*صرت مثل الذی یصنع تربطین*
☆اگین وشمس غابت علیه☆
*****************************
*ابظیمه الوکت عذبنی وذانی*
*أأذن ماسمع صوتی وذانی*
*اشردیت ابطرج مزویتی وذانی*
☆تبعني وتيه افكاري عليه☆
*****************************
*گام الوکت وبناره دوانه*
*ندور یاخلگ ماصح دوانه*
*احشم گمت یاعالم دوانه*
☆اشلون اطفه ولهیب اناربیه☆
*****************************

《قصيدة بعنوان اشرب خمر》

《كلمات حبيب أبواحمدعبيداوي》

《بیت ابوذیه مات طیبه》

*ألگلب ضاعت وصفتة مات طیبة*

*أشعجب ینزف ترکتة ماتطیبة*

*بيه أجروح دم أتفوح سَم للروح مامسموح لیش أتروح ألگلب متعمد أنته ماتطیبه*

☆أنهجم بيتك عله هلضالمیه☆

{کلمات حبیب ابواحمدعبیداوی}

  《نعاوی الوالده ابحق ولدهه》
مالی واهس فگدتك یایمه هدتلی عمر
ومابقت بلعین دمعه حتی ابچیلک صبر
یمه والله اوداعتک روحّتک چانتلی جبر
واتمنه یمک یمه آنه هسه احفرلی گبر
ومن رحت للیوم یمه گلبی صایرچن جمر
ما حسبت ابسرعه ترحل وآنه ردتک للکبر
           الشریان اتمزگ بفراگک

       *ابفگده ماردت حلوا ولامر*
      *رحل ماسأل عن حالي ولامر*
        *علیه وبعدماینشدولامره*
     ☆صعب فرگاک یحبیب علیه☆

《كلمات حبيب أبواحمدعبيداوي》

الشاعرحبیب ابواحمدعبیداوی

*ست شدات ولسابع سبعهن*
*سود وشگر شایلهن سبعهن*
*سته اتگول یلقاری سبعهن*
《واذا ینگص فرد یثر علیه》

(کلمات حبیب ابواحمدعبیداوی) 

************************

* ادموع العین دم اعلیک جارین *

* اوعگبک هل لیالی اشکثرجارین *

* ابمكان الجورصارن علی جارین *

* وظکرک یاشهم صبح اومسیه *

(کلمات حبیب ابواحمد عبیداوی)

************************

انه المایوم منک شفت راحات

وصفیت اطحین آنه ابحلگ راحات

صفگت ایدی وصحت یاحیف راحات

شبابی والعمر کله من ادیه

(کلمات حبیب ابو احمدعبیداوی)

************************

حرت ويه زماني ابقيض شدحیل

ثنه ظهري وكصرني الوکت شدحیل

نخیت الچنت افکله اعجود شدحیل

اطلبت منه الامان و فتك بيه

(کلمات الشاعرحبیب ابواحمدعبیداوی)

****************************

《قصیدة نصيحه اله ابني العزيز احمدعبيداوي》

احمد یبنی أنصحک داری اخوتک

ونصحک لاتفرط بلصداقه

ولاتمدح رجل مایسوه المداح

ونصحک لاتخون انته الأمانه

انصحك لا تخاوى القبر للموت

ونصحك يبنى سد باب الخيانه

نصيحه ابكل وكت لاتنسه اهلك

ولا كلمه تسمعهم إهانه

لاتتكبر إعللناس يحمود

ونصحك للأخو ساعد وعانه

انصحک لا تخاف الموت للموت

لأن ترجع يه احمد كل امانه

ونصحك اخذ درب الله وفوت

انصحك تنصح ابنك مثلى آنه

(کلمات الشاعرحبیب ابواحمدعبیداوی)

****************************

《قصيدة بعنوان خليك ابمكاني》

صير انتة ابمكاني وعيشلك چم یوم

ونه اصیر ابمکانك و انکر العشرة

اریدنك تحس بگلیبي المجروح

وبعينك اتشوف احبيبك اتبره

ولازم كون اكثر تبقى مثلي اتعيش

وتّعانى الأعاني وعيشتي المره

والله وداعتك بس هذا عتبي اویاك

ولا حبیت سؤء أيصيرالك مره

وكل ما تجي ابالی أدعيلك آنه ابخير

أذا تمشي اعله صبخه اتصيرلك خضرة

والله آنه أعلمودک ما أنام الیل

وأبقي اتذکرك حد الفجر سهره

احلّفک بلگلب بعدین بلعباس

فضیتة أعله غربة وجیتنی أبعذره

هم تدري أبغیابك من عفتنی اشلون

صایر ما امیز الیمنه و الیسره

وأذا حبیت تعرف شنهو بیه اشصار

طب غابه أبخریف و شوفلك شجره

بقت توگع ادموعي ابوگعت الأوراق

وبعد فتره توشل ماتضل گطره

وتعرف من يجيلك خبر بید الناس

یوصفوني جفاف وصایر الصحرا

(کلمات الشاعرحبیب ابواحمدعبیداوی)

****************************

《قصيدة بعنوان الفراق》

اشعلتني ابنارهجرك ليش الفراگ

وعليش اتريدماترجع تطفيني

انجنيت ابغيابك بس افكربيك

وفاظحني دمع عيني المواسيني

اتمنيتك ترد تظحكلي ابملگاك

وبّسمت شفافك الي اتعازيني

ردتك بس دوا وتشافي الجروح

وبكلمت احبك موت تشفيني

فارگتك قصب بس لاتظن انساك

لأن مطبوعة صورة منك ابعيني

(كلمات حبيب ابواحمدعبيداوي)

************************

***********************************************

انه المایخطن اسهامی ولاحن

ولاابچی ابظهر شامت ولاحن

اذلک واکصر اجناحک وألاحين

تجي امدنگ تبوس اثین ادیه

(کلمات الشاعره المتألقه شهدالشمري)

***************************

على سهم النوایب فاتحتمن

وسهم غدرك ابگلبی فاتحتمن

اکتلتنی وجاي تنشد فاتحتمن

ولاچنك رحت جناز بیة

(كلمات الشاعرالنجم الأسطورة رائدابوفتيان)

*********************************

*علیک ادموم تجری دوم عینای*

*عفتنی یاحنش وبعدت عنای*

*اتعنه للگبرکلیوم عنای*

*ازورک کل صباح اوکل مسیه*

(کلمات الوالد المحترم الشاعرالأديب ناصرابن منصور عبیداوی)

{بحق المرحوم حنش الجي نعيم غوابش}

********************************

《قصیدة بعنوان حرب العگل والگلب》

امحارب وصط روحي العگل ولدلال

العگل یرفض عشرته ولگلب حنان

اتبع حچی عگلی وترک الدلال

الگلب يزعل عليه ویترک الاحسان

واذا تبعیت گلبی وطلع کله اجروح

یعادینی العگل یملینی بس اجنان

کل حرب التثور الواصطه اتحلهه

یاواصط یصافی العگل والانسان

بحثت اعله الیحلهه ابکل نقاط الروح

وماحصلت حلهه ابروحی کل امچان ردیت واحس همسه تحاچینی لوهوه یحل

لوحلهه بلدلال

سمعته ایگلی ابحث حلهه بلوجدان

سألته من حظرتك ها یبو المعروف

وچن اسمع یگلی آنه هوه الچان

آنه الگلب آنه واسمی الدلال

وآنه احمل جرح معشوگ یاهو الخان

أنه ذنبی حملته من زغقر ويايي

وأنه الوافيت مهما الجرح ظل نيشان

أنه التاریخ کاتب اسمی الوفایی

وانه امصاحب اضلوع البشروالشریان

مالازم اخذله اعله الغلط لوصار

عازيته اعله جرحه وگتله اصبر تان

خلینه نراضی العگل بلّی صار

رحنه وللعگل طحنه ابمراظیه

وعطانه وعد یستبده بلنسیان

《 کلمات حبیب أبو احمد عبيداوي》

*****************************

《هوسه يزالة الخال بحق ابن الأخت》

*لاتضل صافن يخالي وفكرك ايشيب العمر*

*ومن اشوفك هيچ تصفن گلبی یجدحلك جمر*

*ولايهمك ياعزيزي الضدك احفرله گبر*

☆خالك آنه وزامط بي بلطگ جيدومه☆

(کلمات الشاعرحبیب ابو احمدعبیداوی )

*****************************

 (بیت دارمی)
حسبالي کلهه أتخون بس أنتة صافي
بیك اطلعت غلطان يلما توافي

**************************************

   《بیت دارمی》
کون الله لاينطي يوم التركني 
چنت آنه الموافي طگنی وجرحنی 

*******************************************

چان وچنت یهوای چنت انشداعلیک

هاکثربیک اطباع یاهو الیمربیک

********************************************

من شلتو الهلیوم وگلیبی ماطاب

یاهوالیروح اویایی ونشوف الحباب

*********************************************

یاهو الیروح اویایی ونمر علیهم 

ودولی چم مکتوب لازم نجیهم 

***********************************************

یرایح انته اویاک مرلی للحباب

گلهم عزیز الروح من المرض طاب

***********************************************چانت وچنه وچنت ویاهم

هسه من شفتک ذکرت ایامهم

***********************************************

الشاعرحبيب ابواحمدعبيداوي​​​​​​